|
En cada viaxe coñecemos
homes e mulleres do millo que representan a flor
da esperazan deste movemento.
Xustamente na comunidade que leva por nome Nueva
Esperanza coñecimos a unha parella de dirixentes
ben singular.
Os dous xóvenes, pero moi respetados na
comunidade e no municipio autónomo, só
teñen un fillo, símbolo de progresía
dentro do mundo indíxena. El lava os trastes
e acepta que a súa muller (xoven e ben
parecida) viaxe soa a outros países, o
cal é unha auténtica novidade fóra
dos cadros insurxentes do EZ, que levan moitos
anos de adianto no tema da igualdade da muller
con respecto ás comunidades bases de apoio.
Ela é un furacán, alegría
en estado puro, con voz de mando e risa contaxiosa,
danos uns abrazos cada vez que nos atopamos como
eu non recordaba tal cousa no movemento en todos
estes once anos que levo vindo a Chiapas.
Comemos e durmimos na súa casa, e a compañeira
ofreceulles unha cama á única parella
da nosa expedición, aínda sabendo
que non estaban casados, esta muller é
un encanto, que mantendo a conexión coa
tradición e cos valores comunitarios ten
unha mente aberta e moi capaz. É a responsable
de organizar as mulleres no municipio de a Cabaña
e xa leva anos constituíndo redes de organización
por todas as comunidades, a súa experiencia
nótaselle enseguida, directa, intelixente
e moi observadora, sen lugar a dúbidas
unha líder que manda obedecendo.
Despois da actuación que foi das máis
exitosas da xira, con grandes momentos de xogo
entre nós os pallasos, improvisando e soltándonos
chistes no medio dos esquechs, falaron varios
responsables da comunidade e incluso o consello
do municipio deu a súa palabra e nos entregou
unha carta de agradecemento.
Para rematar a visita estivemos vendo videos
da Outra Campaña, cos percorridos do Delegado
Cero polo territorio mexicano; é impresionante
escoltar as conversas de mulleres e compas en
xeral, incluídos os pequenos, debatendo
sobre as palabras de marcos na pantalla. Apenas
leva tres meses marcos rulando por México
e xa teñen videos editados nas comunidades
(que son un chingo delas) para poder seguir o
día a día dun proxecto ven ilusionante
e transformador como é a Outra Campaña
impulsada poloEZLN.
Marchamos da comunidade con bágoas nos
ollos de máis dun, sabendo que A flor da
Esperanza mantense viva nestas terras.
Iván Prado.
|
