A arte do clown non é so unha profesión, senón un estilo de vida que require a comprensión da emoción, da sensibilidade, da paixón e do traballo desde o corazón.

Jango Edwards, recoñecido internacionalmente como un dos mellores clowns do mundo e Peter Ercolano, o seu estreito colaborador nos últimos anos, tanto nos seus espectáculos como nos seus cursos, preséntannos a súa particular visión do clown.

Para eles, o clown, en esencia pura, é unha combinación de inocencia e madurez e consideran que na combinación exacta destas dúas cualidades é onde as persoas deben descubrir e desenvolver o seu clown persoal.